बीड : मुख्यमंत्री उद्धव ठाकरे यांचा बदल कोणी चुकीचे बोलत असेल, तर आम्ही सहन करणारे शिवसैनिक नाहीत. त्यामुळे येत्या काळात केंद्रीय मंत्री नारायण राणे यांच्या दोन्ही मुलांना मारणार असल्याची मुक्ताफळे, बीडचे शिवसेना उपजिल्हाप्रमुख गणेश वरेकर यांनी उधळली आहेत.

हे देखील पहा -

विशेष म्हणजे राज्याचे मंत्री संदीपान भुमरे यांच्या समोर गणेश वरेकर यांनी, जिल्ह्यातील शिवसेना पदाधिकारी फक्त पैसे कमविण्यामध्येच व्यस्त आहेत. त्यामुळे जिल्ह्यात राणेंच्या विरोधी आंदोलनात जिल्ह्यातील पदाधिकारी उपस्थित नव्हते. मात्र, आम्ही उद्धव ठाकरे साहेब यांची बदनामी सहन करणार नाहीत आणि येत्या काळात नारायण राणे यांच्या दोन्ही मुलांना मारणार असल्याचे वक्तव्य केले.

आज मंत्री संदीपन भुमरे यांच्या मार्गदर्शनाखाली बीडच्या शासकीय विश्रामगृह येथे शिवसेनेची बैठक झाली. दरम्यान, यावेळी जिल्ह्यातील अनेक पदाधिकाऱ्यांच्या वक्तव्याने शिवसेनेतील गटबाजीचे दर्शन देखील मंत्र्यासमोरचं पाहायला मिळाले.

Edited By : Krushnarav Sathe