योगेश काशिद

बीड : निर्दयी स‍तीश उर्फ खोक्या भोसलेने हजारो मुक्या प्राण्यांचा जीव घेतला आहे. माणसांना अमानुष मारहाण करणाऱ्या सतीश भोसले याचे दररोज नवनवे कारनामे समोर येत आहे. हरीण, काळवीट, ससे आणि मोर या मुक्या प्राण्यांचे खोक्याने जीव घेतला आहे. पण आतापर्यंत वनविभाग किंवा पोलीस स्टेशनमध्ये कोणतीही नोंद नाही. सतीश उर्फ खोक्या भोसले मुक्या प्राण्यांचे जीव कोणाच्या आशीर्वादाने घेत होता? शंभराहून अधिक हरणांचा जीव घेतला आहे. बीडचं वनविभाग करतय काय सतीश भोसले वरती वनविभाग का मेहरबान? असा सवाल उपस्थित होतोय.

बीडच्या शिरूर तालुक्यातील बावी येथील ढाकणे कुटुंबांना अमानुषपणे सतीश उर्फ खोक्या भोसले आणि त्याच्या साथीदारांनी बेदम मारहाण केली. या घटनेचे मारहाणीचे व्हिडिओ सोशल माध्यमांवरती व्हायरल झाल्यानंतर हा सतीश भोसले नेमका आहे तरी कोणाशी चर्चा सुरू झाली. याच सतीश भोसलेचे जुने कारणामे आता समोर येऊ लागले आहेत. आष्टी शिरूर आणि पाटोद्यामध्ये सतीश भोसलेची खोक्या पार्टी गोल्डमॅन अशी ओळख आहे. या पद्धतीने हा सतीश भोसले माणसांना मारतो, त्याच पद्धतीने त्यांनी मुक्या प्राण्यांचे देखील अनेक जीव घेतले आहेत. यामध्ये , काळवीट, ससे आणि मोर या प्राण्यांचा समावेश आहे.

या मुक्या प्राण्यांना संपवण्याचे काम सतीश भोसले आणि त्याच्या गँगने केले आहे. भोसलेने आतापर्यंत शंभरहून अधिक हरणांचा जीव घेतला आहे, तर ससे काळवीट यांचा देखील मोठ्या प्रमाणात जीव त्यांनी घेतला आहे. यामध्ये जवळपास 200 हून अधिक ससे त्यांनी मारले आहेत. तर या सतीश भोसलेनी जवळपास दीडशे काळवीट मारले आहेत, तर जो मोर प्राणी आहे, त्या मोरांचे देखील या सतीश खोक्या भोसलेने जीव घेतले आहेत. गायरान जमिनीमध्ये जाळे लावून त्यांना जाळ्यात पकडायचे आणि गलोरीच्या साह्याने त्यांचा जीव घ्यायचाचे उद्योग सतीश भोसलेच्या आशीर्वादाने त्याची गँग करत आहे.

सतीश भोसलेने हजारो प्राण्यांचे जीव घेतले आहेत, त्याची कुठे नोंद नसल्याचे समोर आले आहे. वन विभाग करतंय काय? वन विभागाला याची माहिती कशी नाही, हे देखील आता शंका निर्माण झाली आहे. मात्र ज्या सतीश भोसलेने महेश ढाकणे आणि दिलीप ढाकणे यांना अमानुषपणे मारहाण केली, त्याच सतीश उर्फ खोक्या भोसलेने अनेक कारणामे केल्याचा समोर आली आहे.

सतीश उर्फ खोक्या भोसलेने किती मुक्या प्राण्यांचा घेतला जीव.

1) सतीश उर्फ खोक्या भोसले ने आष्टी शिरूर आणि पाटोदा परिसरातील शंभरहून अधिक हरणांचा घेतला जीव.

2) याच निर्दयी खोक्या भोसलेने जवळपास 200 काळविटांचा आतापर्यंत जीव घेतला आहे.

3) आष्टी पाटोदा शिरूर या गायरान परिसरामध्ये सतीश भोसले ने जवळपास 200 हून अधिक सश्यांचा देखील जीव घेतल्याची माहिती समोर आली आहे.

4) सतीश भोसले ने जवळपास 50 हून अधिक मोरांचा देखील जीव घेतला आहे.

5) बीडचं वनविभाग करताय काय सतीश भोसले वरती का आहे वनविभाग मेहरबान?

6) सतीश भोसले ला हे करण्यासाठी कोणाचा आशीर्वाद परिसरामध्ये चर्चा.

7) निर्दयी सतीश उर्फ खोक्या भोसले वरती आणि त्याच्या गँग वरती कार्यवाहीची मागणी होत आहे.