Santosh Deshmukh Murder Case SIT Team : मस्साजोगचे सरपंच संतोष देशमुख हत्या प्रकरणातील जुने एसआयटी पथक बरखास्त करण्यात आले आहे. एसआयटी पथकामधील अनेकांवर आरोप करण्यात आले होते. जुन्या एसआयटी पथकातील अधिकाऱ्यांचे फोटो खंडणीतील आरोपी वाल्मीक कराड याच्यासोबत दिसले होते. त्यानंतर त्यावर आक्षेप घेण्यात आला. त्यामुळे जूनी एसआयटी बरखास्त करून नवीनची स्थापना केली आहे. त्यामुळे बरखास्त केल्याची चर्चा आहे. जुने एसआयटी पथक बरखास्त केल्यानंतर तात्काळ नवे एसआयटी पथक देखील जाहीर करण्यात आले आहे.

राज्य शासनाने याबाबतचा शासन निर्णय जारी करत याबाबतची माहिती दिली. जुन्या एसआयटी पथकामध्ये ९ अधिकारी कर्मचारी होते, मात्र आता ९ ऐवजी ६ जणांचा समावेश आहे. उप महानिरीक्षक बसवराज तेली हे एसआयटीचे प्रमुख कायम राहणार आहेत.

नव्या एसआयटीत कोण असणार ?

किरण पाटील (अपर पोलीस अधीक्षक, राज्य गुन्हा अन्वेषण विभाग, छत्रपती संभाजीनगर)

अनिल गुजर (पोलीस उप अधीक्षक राज्य गुन्हा अन्वेषण विभाग, बीड)

सुभाष मुठे (पोलीस निरीक्षक,राज्य गुन्हा अन्वेषण विभाग, बीड)

अक्षयकुमार ठिकणे (पोलीस निरीक्षक, भरारी पथक, राज्य गुन्हा अन्वेषण विभाग, पुणे)

शर्मिला साळुंखे (पोलीस हवालदार भरारी पथक, राज्य गुन्हा अन्वेषण विभाग, पुणे)

दिपाली पवार (पोलीस हवालदार, सीसीटीएनएस, राज्य गुन्हा अन्वेषण विभाग, पुणे)

जुन्या पथकात कोण होते ?

अनिल गुजर - पोलीस उपअधीक्षक, सीआयडी बीड

विजयसिंग शिवलाल जोनवाल स.पो. निरीक्षक, एलसीबी बीड

महेश विघ्ने - पोलिस उपनिरीक्षक, एलसीबी बीड

आनंद शंकर शिंदे- पो.उ.निरीक्षक, केज

तुळशीराम जगताप - सहा. पो. उ. निरीक्षक, एलसीबी बीड

मनोज राजेंद्र वाघ - पोलीस हवालदार, एलसीबी बीड

चंद्रकांत एस.काळकुटे - पोलीस नाईक, केज

बाळासाहेब देविदास अहंकारे - पोलीस नाईक, केज

संतोष भगवानराव गित्ते - पोलीस शिपाई, केज