बीड : न्यायाची मागणी घेऊन एका महिलेला स्मशानभूमीत आंदोलन करावं लागत आहे. ही जिल्ह्यासाठी काळिमा फासणारी घटना आहे, असं म्हणत भाजप नेत्या पंकजा मुंडे या तारामती साळुंके यांच्या उपोषणावरून आक्रमक झाल्या आहेत (Beed Pankaja Munde Reaction On Woman Protest At Cemetery).
पंकजा मुंडे (Pankaja Munde) म्हणाल्या, शेतकरी आत्महत्या कुठलीही दुर्दैवी असते. एका महिलेने पतीच्या मृत्यूनंतर स्मशानभूमीत आंदोलन (Protest) करावं. हे जिल्ह्यासाठी काळीमा फासणारी घटना आहे. जिल्ह्याच्या सत्ताधारी आणि अधिकाऱ्यांनी यात तात्काळ लक्ष घालावं. नाही तर यात आमच्या पद्धतीने आम्ही लक्ष घालू. असा इशारा भाजप (BJP) नेत्या पंकजा मुंडे यांनी दिला आहे.
पतीचा ज्या ठिकाणी अंत्यविधी केला त्याच स्मशानभूमीत महिलेला उपोषण करण्याची वेळ
बीड जिल्हा प्रशासनाची अब्रू चव्हाट्यावर आणणारा संतापजनक प्रकार बीडमध्ये समोर आलाय. न्यायाची मागणी घेऊन एका महिलेला चक्क, ज्या ठिकाणी मावेजा पायी आत्मदहन केलेल्या पतीचा अंत्यविधी केला, त्याच स्मशानभूमीत बेमुदत उपोषण करण्याची वेळ आली आहे. तारामती साळुंके नावाच्या महिलेने यांनी काल ज्यावेळी देशात प्रजासत्ताक दिन साजरा केला जात होता, त्याच दिवसपासून आपल्या आत्मदहन केलेल्या पतीचा अंत्यसंस्कार केलेल्या स्मशानभूमीत, न्यायाची मागणी घेऊन बेमुदत उपोषण सुरू केले आहे.
Edited By - Nupur Uppal
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.