बीड : बीड शहरातील जिल्हा परिषदेच्या आवारात एका खासगी ट्रॅव्हल्स चालकाने गळफास घेत जीवन संपविल्याची खळबळजनक घटना समोर आली आहे. मराठा आरक्षणाच्या मागणीसाठी गळफास घेतल्याची चर्चा या घटनेनंतर परिसरात होत आहे. 

बीड (Beed News) शहरातील अंकुशनगर या परिसरातील रहिवासी अर्जुन कवठेकर असे गळफास घेतलेल्या तरुण ट्रॅव्हल्स चालकाचे नाव आहे. ते बीड येथील महाराजा या खासगी ट्रॅव्हाल्सवर चालक असल्याची माहिती पोलिसांनी दिली. शहरातील जिल्हा परिषेद शाळेच्या (Zp School) आवारात असलेल्या झाडाला गडफेस घेतला होता. हि घटना सकाळी उघडकीस आली. यानंतर पोलिसांनी घटनास्थळी धाव घेत पंचनामा करून मृतदेह जिल्हा रुग्णालयात दाखल केला आहे. 

दरम्यान ट्रॅव्हल्स चालक अर्जुन कवठेकर याने मराठा आरक्षणासाठी आत्महत्या केल्याची प्राथमिक माहिती समोर येत आहे. या घटनेमुळे परिसरात खळबळ उडाली असून या दृष्टीने बीड शहर पोलीस अधिक तपास करत आहेत.