बीड : बीडमध्ये क्षीरसागर काका– पुतण्या आमने– सामने आले आहेत. बीड तालुक्यातील ग्रामपंचायत निवडणुकीत माजी मंत्री जयदत्त क्षीरसागर यांच्या नवगण आदर्शसह चार शिक्षण संस्थामधील शिक्षक (Teacher) हे मुलांना शिकवायचे सोडून, ग्रामपंचायत (Gram Panchayat) निवडणुकीच्या प्रचाराचे काम करत आहेत. तसेच चिट्टी वाटणे व दारू, मटणाच्या पार्ट्या करत आहेत. असा गंभीर आरोप (NCP) राष्ट्रवादीचे आमदार संदीप क्षीरसागर यांनी केला आहे. (Letest Marathi News)

बीड तालुक्यातील ग्रामपंचायत निवडणुका (Election News) जाहीर झाल्यापासून माजी मंत्री जयदत्त क्षीरसागर यांच्या शिक्षण संस्थेमधील शिक्षकांना कामाला लावले आहे. शिक्षक हे शिकवण्याचे काम सोडून ग्रामपंचायतच्या प्रचारासाठी पूर्ण वेळ सक्रिय आहेत. नवगण आणि आदर्श शिक्षण संस्थांमधील शिक्षकांचा निवडणुकीसाठी गैरवापर केला जात असल्याचा गंभीर आरोप करत या संदर्भातील तक्रार निवडणूक आयोगाकडे केली आहे.

कारवाईची मागणी

दरम्यान हा विषय मी अधिवेशनात मांडणार असल्‍याचे सांगत आमदार संदीप क्षीरसागर यांनी या सर्व शिक्षकावर कारवाई केली जावी. अशी मागणी निवडणूक आयोगाकडे केली आहे.