बीड : जिल्ह्यात वाळू माफियांची दादागिरी सुरूच आहे. जिल्ह्यातील सिंदफणा आणि गोदावरी नदी पात्रात दहा ते पंधरा फुटांचे मोठमोठे खड्डे करून वाळू माफियांकडून वाळूचा सर्रास उपसा केला जातोय. (beed news Sand mafia ponds river Hundreds of pits dug into the container)

सिंदफणा नदी (Sindfana River) पात्रात वाळू उपशासाठी करण्यात आलेल्या खड्ड्यांमध्ये बुडून, चार निष्पाप बालकांचा बुडून दुर्दैवी मृत्यू झाला आहे. तर ही एकच घटना बीड (Beed) जिल्ह्यात घडली नसून या अगोदरही राक्षसभुवन परिसरात गोदावरी नदीपात्रात (Godavari River) वाळूसाठी खोदलेल्या खड्ड्यात पडून, मुलींचा मृत्यू झाला होता. अशा एक ना अनेक घटना दररोज घडत आहेत, एवढेच नाही; तर आतापर्यंत एकट्या गेवराई तालुक्यात वाळू माफियांच्या भरधाव वाहनांनी 9 जणांचा चिरडून बळी गेलेला आहे. मात्र यावर प्रशासनाकडून अद्यापही कोणतीच ठोस कारवाई करण्यात आलेली नाही.

नदीमध्‍येच वाळूचे ढीग

दुसरीकडे सिंदफणा नदीतील खड्ड्यात रविवारी चार मुलांचा बुडून मृत्यू झाला. तर याच सिंदफना नदीत खड्ड्यांचा खच पाहायला मिळालाय. ठिकठिकाणी दहा ते पंधरा फूटापर्यंतचे मोठमोठे खड्डे खोदून त्यामधून वाळू उपसा केला आहे. त्याचबरोबर या नदीमध्ये वाळूचे मोठमोठे ढिगारे देखील पाहायला आहेत. मात्र यावर हप्तेखोरीमूळ कारवाई केली जात नसल्याचे ग्रामस्थ सांगतात. दरम्यान याच वाळू माफियांकडून सिंदफना नदी पात्रात कशाप्रकारे नंगानाच सुरू आहे.