बीड : व्यसन कधी कुणाला काय करायला लावेल याचा नेम नाही. असाच काहीसा प्रकार बीडमध्ये (Beed) समोर आला. दारूची नशा करण्यासाठी पैसे नाहीत, मजुरी करायचे जीवावर यायचे. म्हणून एका युवकाने मोबाइल चोरी (Theft) करणे सुरू केले. आतापर्यंत अनेक महागडे मोबाइल हजार, पाचशे रुपयांना विक्री करून नशा भागवली. मात्र अखेर तो पोलिसांच्या नजरेत बसला अन १७ महागड्या (Mobile) मोबाईलसह या नशेखोर चोरट्याला स्थानिक गुन्हे शाखेने बेड्या ठोकल्या. (Live Marathi News)

सोहिल खान समद खान (रा.जुनी भाजी मंडई, बुंदेलपुरा, बीड) असे पकडलेल्या चोरट्याचे नाव आहे. सोहिल हा दारूच्या आहारी गेलेला आहे. दररोज त्याला दारू प्‍यायला लागते. दिवसभर काम करून नशा करायची हे त्‍याच्‍या अंगी नव्‍हते. सोप्‍या मार्गाने पैसे जमवून नशा करायची हा त्‍याचा नित्‍यनियम झाला होता. यामुळे दारूची नशा करायला पैसे नसल्याने तो मोबाइल चोरीकडे वळला.

अन्‌ तो पोलिसांच्‍या नजरेत आला

बीड शहरातून मोबाईल चोरीच्या घटना वाढत असतानाच एलसीबीला सोहिलची माहिती मिळाली. त्यांनी सापळा रचून सोहिलला ताब्यात घेतले. त्याच्याकडून १७ मोबाइलही जप्त केले असून सध्या त्याला शिवाजीनगर पोलिसांच्या ताब्यात दिले आहे.