बीड : आई- वडिलांची सेवा का करतेस? असे म्हणत सख्ख्या बहिणीला सासरी जाऊन घरात घुसून मारहाण करण्यात आली. ही घटना गेवराई (Beed News) तालुक्यातील पांढरवाडी येथे घडली. (Breaking Marathi News)

हासिनाबी मुस्सा शेख (वय ४०, रा. पांढरवाडी) असं मारहाण करण्यात आलेल्या विवाहित बहिणीचे नाव आहे. त्या आपल्या आई-वडिलांची सेवा करतात. त्यांच्यासाठी त्यांनी पत्र्याचे शेडही तयार केले आहे. परंतु मालमत्ता व इतर गोष्टींचा संशय घेऊन हासिनाबी यांचा भाऊ शेख निजाम कचरू शाह याने इतर तीन व्यक्तींसह पांढरवाडीत जाऊन हासिनाबी यांना मारहाण केली.

भाऊसह ४ जणांवर गुन्हा

भावाने केलेल्‍या मारहाणीत हासीनाबी यांना जबर मार लागला असून याप्रकरणी बीडच्या गेवराई पोलीस ठाण्यात भाऊ शेख निजाम याच्यासह 4 जणांवर गुन्हा दाखल करण्यात आला आहे.