बीड : बीडच्या कोळकानडी येथे बांधकाम सुरू असलेल्या घरावर वन्यप्राण्याची हळद, मिठ लावून वाळत ठेवलेली कातडी सापडली. हा धक्कादायक प्रकार गस्तीवर असलेल्या पोलिसांना गोपनीय माहितीच्या आधारे (Beed News) सापडल्याने उघडकीस आल्याने मोठी खळबळ उडाली आहे. (beed news Dry skin of a wild animal found on the wall)

अंबाजोगाई (Ambajogai) तालुक्यातील कोळकानडी गावात नविन बांधकाम सुरू आहे. त्या बांधकाम असलेल्या भिंतीवर, हाळद, मिठ लावून वन्य प्राण्याची कातडी वाळत टाकली असल्‍याची गोपनीय माहिती अंबाजोगाई (Police) ग्रामिण पोलीस ठाण्याचे पोलीस निरीक्षक वासुदेव मोरे यांना मिळाली होती. त्या माहितीच्या अधारे पोलीस व वन विभागाने संयुक्तरित्या कार्यवाही करून कातडी ताब्यात घेतली. औरंगाबाद येथील प्रयोगशाळेत कातडीचे काही अंश तपासणीसाठी पाठवले असल्याची माहिती दिली आहे.