Beed Latest News: परभणी जिल्ह्यातील (Parbhani) अल्पवयीन मुलीला बीडच्या गंगामसला गावात आणून बालविवाह लावण्यात आल्याचा धक्कादायक प्रकार उघडकीस आला आहे. प्रशासनाच्या पुढाकाराने नवरदेव व इतर 8 नातेवाइकांविरोधात माजलगाव ग्रामीण पोलिस ठाण्यात गुन्हा दाखल झाला आहे. (Beed News)

याबाबत अधिक माहिती अशी की, बीडच्या (Beed News) माजलगाव तालुक्यातील गंगामसला येथे मोरेश्वर मंदिरात दुपारी दीड वाजता परभणी जिल्ह्यातील निमगाव येथील अल्पवयीन मुलगी आणि गंगामसला येथील गणेश खंडेराया पारडे यांचा विवाह झाला.

त्या अनुषंगाने परभणी येथील बालकल्याण समिती आणि पंचायत समिती निमगाव यांनी चाइल्ड हेल्पलाइनच्या टीम मेंबरला 1098 या क्रमांकावर माहिती देऊन सदरील माहिती ही माजलगाव पंचायतला कळविली. (Child Marriage Beed)

सोहळ्यास उपस्थित नवरदेव गणेश पारडे, खंडेराया ज्ञानोबा पारडे, रुक्मिनी खंडेराया पारडे, कडाजी नारायण चौरे, शिवकन्या कडाजी चौरे, सिद्धेश्वर उर्फ बाळू हरिभाऊ काळे, निर्मला सिद्धेश्वर काळे व रामदेव जोशी यांच्यासह 8 जणांविरोधात गुन्हा दाखल झाला आहे. (Latest Marathi News)