बीड : प्रशासकिय कामकाजाचा आठवड्यातील पहिला दिवस असून जिल्‍हाधिकारी कार्यालयात कामकाजाला सुरवात होत असताना कार्यालयाच्‍या आवारात खळबळजनक प्रकार घडला. हा प्रकार बीडच्या (Beed) जिल्हाधिकारी कार्यालयाच्या आवारात घडला असून एका तरुणाने विषारी औषध प्राशन करून आत्मदहनाचा प्रयत्न केला. (beed news Attempt of self immolation of a youth in the premises of Collector's Office)

बीड जिल्हाधिकारी (Beed Collector) कार्यालय परिसरात असणाऱ्या पोलीस चौकीच्या समोर या तरुणांने विषारी औषध प्राशन केले आहे. प्राथमिक माहितीनुसार समाधान शिवाजी धिवार असे त्या तरुणाचे नाव असून तो केज तालुक्यातील असल्याचे सांगण्यात येत आहे. तर समाधान याने नेमके विषारी औषध प्राशन का केले? हे मात्र समजू शकले नाही.(Beed Latest Marathi News)

जिल्‍हाधिकारी स्‍वतः पोहचले घटनास्‍थळी

दरम्यान घटनेची माहिती कळताच जिल्हाधिकारी राधाबीनोद शर्मा यांनी स्वतः घटनास्थळी येत संबंधित तरुणाला एका रिक्षामध्ये बसवून त्याच्यासोबत पोलिसांना पाठविले. त्याला जिल्हा रुग्णालयात दाखल केले आहे. सध्या विष प्राशन केलेल्या समाधानवर जिल्हा रुग्णालयात उपचार सुरू आहेत.