बीड : बीड जिल्ह्यात लम्पीच्या प्रादुर्भावामूळे जिल्ह्यातील जनावरांचे सर्व आठवडी बाजार मागील काही ५ महिन्यांपासून बंद आहेत. त्यामुळे ग्रामीण (Beed News) भागाचे आर्थिक उलाढाल ठप्प झाल्याची बातमी साम टिव्हीने दाखवली होती. याची दखल घेत जनावरांचा बाजार सुरू करण्याचे आदेश बीडच्या जिल्हाधिकारी दिपा मुधोळ-मुंडे यांनी काढले आहेत. यामुळे जिल्ह्यातील जनावरांचे आठवडी बाजार सुरू होणार असल्याने शेतकऱ्यांमधून समाधान व्यक्त केले जात आहे. (Live marathi News)

पशुसंवर्धन विभागाने जिल्ह्यातील गोवंशीय जनावरांचे (Lumpy Disease) लम्पी प्रतिबंधक लसीकरण शंभर टक्के झाल्याचा अहवाल आणि जिल्ह्यातील साथ आटोक्यात आली. यामुळे बीडच्या जिल्हाधिकारी तसेच आपत्ती व्यवस्थापन समिती अध्‍यक्ष दिपा मुधोळ-मुंडे यांनी जनावरांचे आठवडी बाजार सुरू करण्याचे आदेश काढले आहेत.

शेतकऱ्यांना हे बंधनकारक

आता आठवडी बाजार सुरू होणार ही शेतकऱ्यांसाठी आनंदाची बातमी असल्याची प्रतिक्रिया व्यक्त केली जात आहे. मात्र यासाठी जनावरांचे लम्पी प्रतिबंधक लसीकरण केल्याचे प्रमाणपत्र शेतकऱ्यांना सोबत ठेवणं बंधनकारक आहे. बाजारात येताना प्रत्‍येक शेतकरीला हे प्रमाणपत्र सोबत ठेवावे लागेल.