बीड : बीड– अहमदनगर महामार्गावर हजारो मोठमोठे खड्डे पडले आहेत. मात्र याकडे प्रशासनाचे आणि लोकप्रतिनिधींचे दुर्लक्ष आहे. या विरोधात कॉंग्रेसच्‍यावतीने (Congress) अनोखे आंदोलन करत थेट खड्डेमय रस्‍त्‍याचे श्राद्ध घातले. (Beed News Congress Movement)

बीड– नगर (Beed) महामार्ग हा खड्ड्यांचा महामार्ग झाला आहे. वाहन धारकांना येथून मोठी कसरत करावी लागते. प्रशासनाचे दुर्लक्ष होत असल्याने नागरिकांना वाहन धारकांना नाहक त्रास सहन करावा लागतोय. यामुळे या महामार्गावरील कडा गावात काँग्रेसचे नेते रविंद्र ढोबळे यांच्या मार्गदर्शनाखाली काँग्रेसने अनोखे आंदोलन केले आहे. चक्क महामार्गाला फुल, हार अर्पण करत रस्त्याचे श्राद्ध घालण्यात आले आहे. महामार्गावरील डॉ. बाबासाहेब आंबेडकर चौकात प्रशासनाचे लक्ष वेधून घेण्यासाठी हे अनोखं आंदोलन करत रस्त्यांचे वर्ष श्राध्द करण्यात आले.