मकरसंक्रातीचा सण आठवडाभरावर असला तरी, अनेकांनी आतापासून पतंग उडवण्यास सुरुवात केली आहे. सुट्टीच्या वेळी चिमुकले पतंग उडवण्याचा आनंद घेत आहेत. अशातच बीडमध्ये एक भयानक घटना समोर आली आहे. गॅलरीत अडकलेला पतंग काढण्यासाठी गेलेल्या एका ९ वर्षीय चिमुकल्याचा दुर्देवी मृत्यू झाला आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
रविवारी सायंकाळच्या सुमारास ही घटना घडली आहे. या घटनेनं परिसरातून मोठी हळहळ व्यक्त होत आहे. मिळालेल्या माहितीनुसार, बीड शहरातील (Beed News) शहरातील पांगरी रोड परिसरात राहणाऱ्या कृष्णा दिलीप तकीक यांचा मुलगा रविवारी आपल्या गच्चीवरून पतंग उडवत होता.
दरम्यान, सांयकाळच्या वेळेस त्याचा पतंग गच्चीवरील तारांमध्ये अडकला. अडकलेला पतंग काढण्यासाठी चिमुकला गॅलरीत गेला असता, तोल जाऊन तो खाली पडला. यामध्ये त्याच्या डोक्याला गंभीर दुखापत झाली. कुटुंबीयांनी त्याला तातडीने उपचारासाठी रुग्णालयात दाखल केले. (Latest Marathi News)
मात्र, डॉक्टरांनी त्याला मृत घोषित केले. दरम्यान, मृत चिमुकल्यावर रविवारी रात्री उमरद जहॉगिर येथे शोकाकुल वातावरणात अंत्यसंस्कार करण्यात आले. या घटनेने उमरद जहॉगिर व खापर पांगरी येथे हळहळ व्यक्त केली जात आहे. याप्रकरणी बीड ग्रामीण पोलीस ठाण्यात मृत्यूची नोंद करण्यात आली आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.