बीड : बीड शहरातील नामांकित गुरुकुल इंग्लिश स्कूलमध्ये (Gurukul English School) चौथीच्या वर्गात शिकणाऱ्या मुलीसोबत, शिक्षकाने गैरवर्तन केल्याची धक्कादायक घटना आज उघडकीस आल्यानंतर बीड (Beed) जिल्ह्यात मोठी खळबळ उडाली असून पुन्हा एकदा मुलींच्या सुरक्षेचा प्रश्न ऐरणीवर आला आहे. प्रत्यक्ष पोलिसांनी घटनास्थळी जाऊन पाहणी केलीय, मात्र अद्याप गुन्हा दाखल करण्यात आलेला नाही. या प्रकरणी शाळा व्यवस्थापन शिक्षकाला पाठीशी घालत असल्याचा आरोप नातेवाईकांनी केला आहे. (Beed Gurukul English School Teacher molestes school girl)

हे देखील पहा :

आम्ही कोणाच्या भरोशावर मुलींना शाळेत पाठवायचं? असा संतप्त सवाल उपस्थित केला जात आहे. विशेष म्हणजे लाखों रुपयाची ट्यूशन फीस विद्यार्थ्यांकडून घेणारे संस्थाचालक, मुलांच्या सुरक्षेच्या उपाययोजना बाबतीत मात्र हलगर्जीपणा करत असल्याचे, या प्रकरणातून दिसून आले आहे. ज्या चौथीच्या वर्गामध्ये या मुलीवर गैरकृत्य झालं, त्या वर्ग खोलीत सिसीटीव्ही नव्हता. त्यामुळे नराधम शिक्षकावर व हलगर्जीपणा करणाऱ्या संस्थेवर कडक कारवाई करावी. अशी मागणी केली जात आहे.

Edited By : Krushnarav Sathe