Beed Crime News: "तुझ्या नवऱ्याला सोडून दे मी तुझ्यासोबत लग्न करतो." असं म्हणत सासरी नांदणाऱ्या २० वर्षीय विवाहितेला सतत फोन करून नराधम तरुणाने तिचा संसार मोडला. त्यानंतर नवऱ्यानं माहेरी आणून सोडल्यावर, घरात कोणी नसल्याची संधी साधून पीडितेचे तोंड दाबून बळजबरीने तिच्यावर अत्याचार करण्यात आलाय. ही धक्कादायक घटना बीडच्या मातावळी गावात 7 जुलै रोजी उघडकीस आली. याप्रकरणी बीडच्या आष्टी पोलीस ठाण्यात पीडितेच्या फिर्यादीवरून मातावळी गावातील महेशवर अत्याचाराचा गुन्हा दाखल झाला आहे. (Latest Crime News)

याविषयी पीडितेने दिलेल्या फिर्यादीत म्हटल आहे, की माझी व माझ्या गावातीलच महेशची चांगली ओळख होती. आमच्या दोघात प्रेमही होतं. मात्र आमच्या प्रेमप्रकरणाची माहिती माझ्या कुटुंबीयांना कळाल्यानंतर मी महेशला माझ्यासोबत लग्न कर, असं म्हटलं. त्याने अगोदर होकार दिला मात्र त्यानंतर तो नाही म्हणाला.

त्यानंतर माझ्या आई-वडिलांनी पाटोदा तालुक्यातील मुलासोबत लग्न लावून दिलं. तिथं आमचा संसार चांगला सुरू होता. मात्र महेशने मला सतत फोन करणे सुरू केलं. "तू तुझ्या नवऱ्याला सोडून दे, मी तुझ्यासोबत लग्न करतो". असं म्हणत तो सतत फोन करू लागला.

या फोनची माहिती माझ्या नवऱ्याला कळल्यानंतर त्याने मला माहेरी आणून सोडलं. गेल्या 2 वर्षांपासून मी माझ्या वडिलांकडे माहेरी राहते. या 2 वर्षात महेशने मला लग्नाचे आमिष दाखवले. मी तुझ्यासोबत लग्न करतो म्हणून त्याने माझ्या वडिलांच्या घरात, बाजूला असलेल्या शेतात, नदीच्या परिसरात माझ्या सोबत शारीरिक संबंध ठेवले. मात्र लग्न कर म्हटल्यावर त्याने उडवा उडवीची उत्तरे दिली. नकार दिला. त्यामुळे मी त्याला बोलणं सोडलं.

मात्र पुन्हा गेल्या 2 दिवसांपूर्वी 7 जुलै रोजी आरोपीने पीडितेला फोन केला. यावेळी त्याने तिला भेटण्यास सांगितले. मात्र पीडितेने त्याला नकार दिला. यावर आरोपीने थेट महिलेच्या घरी धाव घेतली. दुपारी घरी कोणी नसल्याचे पाहून संधी साधत त्याने महिलेवर लैंगिक अत्याचार केला. तसेच सदर माहिती कोणाला सांगितल्यास जीवे मारुन टाकण्याची धमकी दिली. या प्रकरणी बीड (Beed) पोलिस अधिक तपास करत आहेत.