बीड : गोडाऊनची डुप्लिकेट चावी तयार करून तब्बल 10 लाख रुपयांच्या चॉकलेटवर दोन नोकरांनी डल्ला मारला. हा प्रकार (Beed) बीडच्या अंबाजोगाई शहरात उघडकीस आला आहे. याप्रकरणी एजन्सी चालकाच्या तक्रारीवरून अंबाजोगाई शहर पोलीस (Police) ठाण्यात 2 नौकरांविरोधात गुन्हा दाखल करण्यात आला आहे. (Breaking Marathi News)

अंबाजोगाई (Ambajogai) येथील व्यावसायिक प्रदीप उमाकांत वाघमारे यांच्याकडे चॉकलेटची डिस्ट्रीब्यूटरशिप आहे. या ठिकाणी गणेश सखाराम मुनीमाने आणि राहुल वैजीनाथ पवार हे दोन नोकर मागील पाच वर्षापासून कामाला आहेत. कॅमेऱ्याचे (CCTV) फुटेज तपासले असता त्यात गणेश मुनीमाने आणि राहुल पवार हे दोघे चॉकलेटचे बॉक्स चोरी करताना मिळुन आले.

दोघांना रंगेहाथ पकडले

सीसीटीव्‍हीमध्‍ये सदरचा प्रकार दिसल्‍यानंतर वाघमारे यांनी पाळत ठेऊन 11.30 वाजताच्या सुमारास दोन्ही नोकरांना चॉकलेटचे बॉक्स चोरताना रंगेहाथ पकडले. दरम्यान एजन्सी मालकाच्या तक्रारीवरून 2 नोकरांवर अंबाजोगाई शहर पोलीस ठाण्यात गुन्हा नोंदवण्यात आला आहे.