Beed Crime News: गेल्या काही दिवसांपासून राज्यातील अनेक भागांमध्ये चोरीच्या घटना समोर येत आहेत. बीड जिल्ह्यातही चोरट्यांनी धुमाकूळ घातला असून बीडच्या केज तालुक्यात एकाच रात्रीमध्ये चार दुकानी फोडली आहेत. या चोरीच्या घटनांमुळे नागरिकांमध्ये भितीचे वातावरण पसरले असून चोरीचा हा प्रकार सीसीटीव्ही कॅमेरात कैद झाला आहे. (Crime News In Marathi)

याबाबत अधिक माहिती अशी की, केज तालुक्यातील (Beed News) केज, सुर्डी फाटा आणि माळेगाव या ठिकाणी चोरट्यांनी धुमाकूळ घातला आहे. चारचाकी वाहनातून तोंड बांधून आलेल्या या चोरट्यांनी गावातील चार दुकाने फोडली आहेत.

यांपैकी माळेगाव येथील एका मशिनरी दुकानाच्या गल्ल्यातून 11 हजार 500 रुपये लंपास केले तर केज येथील एका औषधाच्या दुकानाच्या गल्ल्यात चिल्लर देण्यासाठी ठेवलेली रोख रक्कमही चोरट्यांनी पळविली आहे.

दरम्यान एका चार चाकी वाहनातून तोंड बांधून आलेल्या चार चोरट्यांनी, शटर वाकवून दुकानात प्रवेश केल्याचे व कुणाची तरी चाहुल लागताच गाडीत बसून निघून गेल्याचे दृष्य सीसीटीव्ही कॅमेऱ्यात कैद झाले आहेत.

याप्रकरणी बीडच्या केज आणि युसूफवडगाव पोलीस ठाण्यात अज्ञात आरोपीविरुद्ध गुन्हा दाखल करण्यात आला असून या चोरीच्या घटनांनी परिसरात चोरट्यांची दहशत पाहायला मिळत आहे. (Latest Marathi News)