Beed Crime News : "इस्लाम से गुस्ताखी की एक ही सजा, सर तन से जुदा, जल्द ही तेरा सर तन से जुदा किया जायेगा" अशा प्रकारचे धमकीचे पत्रच एका घराला चिकटवल्याने बीडच्या परळी तालुक्यात एकच खळबळ उडाली आहे. याप्रकरणी अज्ञात समाजकंटकाविरुद्ध सिरसाळा पोलीस ठाण्यात गुन्ह्याची नोंद करण्यात आली आहे.

याविषयक पोलीस सूत्रांकडून मिळालेल्या माहितीवरून सिरसाळा येथे राहणारे तक्रारदार उमेश रंगनाथ पवार यांच्या घराला धमकीचे हिंदी भाषेतील एक पत्र चिकटवण्यात आल्याचे त्यांच्या निदर्शनास आले आहे. याबाबत त्यांनी शोध घेण्याचा प्रयत्न केला असता त्यांना याचा शोध घेता आला नाही.

त्यामुळे त्यांनी पत्रातील धमकीच्या मजकुराचे गांभीर्य लक्षात घेऊन, पोलिसांकडे धाव घेतली. या प्रकरणी सिरसाळा पोलिसांनी घटनेची सविस्तर शहानिशा केली असून घटनास्थळी जाऊन पहाणी केली असून याप्रकरणी अज्ञात समाजकंटकाविरुद्ध सिरसाळा पोलिसात अदखलपात्र गुन्हा दाखल करण्यात आलाय.

पत्रात काय धमकी दिलीय....

आरएसएस के गुंडे तू सिरसालेमे आरएसएस चलता है, तुझे पता नही है क्या इस्लाम से गुस्ताखी की एक ही सजा, सर तन से जुदा, सर तन से जुदा, बहुत जल्दी तेरा सर तन से जुदा किया जायेगा तू आरएसएस का लीडर है ना रे ,तकदीर अल्लाहू अकबर.....अशा स्वरूपाचा उल्लेख या पत्रात नमूद आहे. दरम्यान सिरसाळा गावात धमकीचे पत्र मिळाल्याने जिल्ह्यात खळबळ उडाली असून दोन समाजात तेढ निर्माण होऊ नये, यासाठी पोलिस नजर ठेवून आहेत.