बीड: सध्या उन्हाच्या झळा दिवसेंदिवस बसू लागल्या असताना चारा पाण्याविना पक्षांचा चिवचिवाट सुरू आहे. हा चिवचिवाट थांबवण्यासाठी "मूठभर चारा आणि घोटभर पाणी" हा उपक्रम हाती घेऊन, सांगवी पाटण येथील सामाजिक कार्यकर्ते समीर शेख यांनी आपल्या घरासमोर पक्ष्यांना पाणी आणि चाऱ्याची सोय करत जनजागृती सुरू केली आहे.

हे देखील पहा-

बीडच्या आष्टी तालुक्यातील सांगवी पाटण येथील समीर शेख, हा तरुण नेहमी सामाजिक कार्यात अग्रेसर असतो, वारा पाऊस याची कसलीही तमा न बाळगता, तो मुक्या जीवांसाठी झटत असतो. दोन- तीन वर्षापासून पाऊस चांगला झाला असला, तरी यंदाच्या उन्हाळ्यात त्यांच्या झळा जाणवू लागल्या असून पक्षी चारा पाण्यासाठी चिवचिवाट करत आहेत. त्यामुळे नागरिकांनी अंगणात किंवा ओट्यावर मूठभर चारा आणि घोटभर पाणी हा उपक्रम हाती घ्यावा. असे आवाहन समीर शेख यांनी केले आहे.

Edited By- Digambar Jadhav