जालना : शेतरस्त्याच्या वादातून झालेल्या मारहाणीत एकाचा मृत्यू झाल्याची धक्कादायक घटना जालना जिल्ह्यात घडली आहे. जालना जिल्ह्याच्या भोकरदन तालुक्यातील कोळेगावात हा प्रकार घडला आहे.

हे देखील पहा -

संजय गावंडे असे या मारहाणीत मृत्युमुखी पडलेल्या शेतकऱ्याचे नाव असून या प्रकरणी भोकरदन पोलिसांत ५ जणांविरोधात गुन्हा दाखल करण्यात आला आहे. मारहाण करणाऱ्या आरोपींमध्ये आणखी काही जणांचा समावेश असून त्यांच्यावर देखील गुन्हा दाखल करुन कारवाई करा या अशी मागणी या मृत शेतकऱ्याच्या नातेवाईकांनी केली आहे.

या मारहाणीत इतरही काही जणांचा समावेश असून मयताच्या नातेवाईकांनी त्याचा मृतदेह पोलिस ठाण्यात आणला होता. पोलिसांनी मारहाण प्रकरणात सहभागी असलेल्या सर्व आरोपींवर योग्य कारवाई करण्याच आश्वासन दिल्यानंतर मयताच्या नातेवाईकांनी मृतदेह पोलिस ठाण्यातून घरी नेला.

Edited By : Krushnarav Sathe