एका बाजूला तेरेखोल नदी तर दुसर्‍या बाजूला सह्याद्रीचा पश्चिमघाट आणि त्यामध्ये वसलेलं निसर्गसंपन्न आणि जैवविविधता लाभलेल बांदा गाव. या बांदा गावावा आता नवी ओळख मिळालीये... बांदा आता घुबडांचे गाव म्हणून ओळखलं जाणार आहे...कारण घुबडांच्या तब्बल आठ दुर्मिळ प्रजाती या गावात आढळतात.

केवळ घुबडच नव्हे तर गेल्या वर्षभरात बांदा परिसरात 175 हुन अधिक पक्ष्यांच्या विविध प्रजातींचा शोध लागला आहे, . बांदा परिसरात देवराईंचं विशेष संवर्धन केल्यानं दुर्मिळ पक्षांच्या अनेक प्रजाती या भागात स्थिरावल्या आहेत. स्थलांतरित पक्षी देखील याच परिसराला पसंती देतात..आरोसबाग, सटमटवाडी, शेर्ले हा ग्रामीण भाग पक्षी निरीक्षणासाठी नवा हॉटस्पॉट ठरतोय..

मात्र एकीकडे गाव बर्ड वॉक साठी प्रसिध्दीस येत असताना गावाच्या आसपास मायनिंगसाठी खरेदी केल्या जाणाऱ्या जमिनी भविष्यात यांच्या अधिवासाला धोका ठरण्याची भीती व्यक्त होतेय. भविष्यातली ही भीती प्रत्यक्षात येऊ नये आणि आपल्या या गावाची घुबडांची ओळख कायम राहावी म्हणून गावातील तरुणांही पर्यावरण रक्षणासाठी हिरीरीनं सहभाग घेत आहेत. सध्यातरी बांदा गाव कोकणात येणाऱ्या पर्यटकांसाठी आणि पक्षी निरिक्षकांसाठी पर्वणी ठरत आहेत.