Karnataka Maharashtra Border Dispute : सीमावादाच्या प्रश्नामुळे महाराष्ट्र आणि कर्नाटकातील राजकीय वातावरण तापलं आहे. दाेन्ही राज्यातील मुख्यमंत्र्यांनी सबुरीची भुमिका घेतली असली तर महाराष्ट्र सरकार काेणाच्या तरी दबावाखाली आहे असा आराेप विराेधक करीत आहेत. आज काॅंग्रेसचे ज्येष्ठ नेते बाळासाहेब थाेरात यांनीही याबाबत तीव्र नाराजी व्यक्त केली. (Maharashtra News)

काँग्रेस नेते बाळासाहेब थोरात (balasaheb thorat) म्हणाले सीमेवर मराठी बांधवांवर होणारा हल्ला चिंताजनक आहे. महाराष्ट्र सरकार याबाबत गंभीर नाही. आत्तापर्यंत सर्व पक्ष जेव्हा जेव्हा सीमेवर वाद होते तेव्हा एकत्र यायचे, पण आता भाजप सरकारमध्ये आहे.

जेव्हा कर्नाटकचे मुख्यमंत्री सुप्रीम कोर्टाची केस संदर्भात वकिलांशी चर्चा करत होते तेव्हा आपले मुख्यमंत्री गुवाहटीला पर्यटन करत होते. मुख्यमंत्री सीमाप्रश्नावर गंभीर आहेत का? असा सवाल थाेरात यांनी केला आहे.

थाेरात म्हणाले मला वाटते त्यांना केंद्र सरकारकडून सूचना मिळतात, त्यानूसार ते वागत आहेत. खरंतर मुख्यमंत्री एकनाथ शिंदे (eknath shinde) यांनी तातडीने सर्वपक्षीय बैठक बोलावून वाद मिटवण्यासाठी नियोजन करावे असे आवाहन देखील थाेरात यांनी केले.

Edited By : Siddharth Latkar