विधानसभा निवडणुकीच्या निकालानंतर मुंबई बाहेर उद्धव बाळासाहेब ठाकरे पक्षाचं पहिलंच निर्धार शिबिर होणार आहे. मात्र या शिबिरात चक्का ठाकरे गटाच्या व्यासपीठावर खुद्द बाळासाहेब ठाकरे अवतरणार आहेत. होय...तुम्ही बरोबर ऐकताय...खुद्द बाळासाहेब आपल्या ठाकरी शैलीत शिबिरातून आजच्या राजकीय परिस्थितीवर भाष्य करणार आहेत. या कार्यशाळेत अनेक नवीन प्रयोग होणार आहे. त्यामुळे या कार्यशाळेबाबत पक्षाबरोबरच सगळ्यांनाच उत्सुकता लागली आहे.. मात्र बाळासाहेब भाषण कसं करणार ? त्यासाठी ठाकरे गटानं काय तयारी केलीये पाहूया

नाशकात ठाकरेंचं हायटेक शिबिर -

नाशिकच्या गोविंदनगरमधील मनोहर गार्डन लॉन्सवर शिबिर

ठाकरेंच्या सेनेकडून पहिल्यांदाच AI तंत्राचा वापर

AI तंत्रज्ञानाच्या माध्यमातून बाळासाहेबांचं भाषण

भाषण आक्रमक आणि ठाकरी शैलीतील असणार

आदित्य ठाकरेंच्या उपस्थितीत शिबिराचं उद्घाटन,उद्धव ठाकरेंकडून समारोप

शिबिरात ठाकरे गटाचे नेते,वकील असीम सरोदेंचं मार्गदर्शन

कोल्हापुरात होणारं ठाकरे गटाचं शिबिर रद्द झालं. मात्र आता त्यानंतर नाशकात ठाकरेंनी जोर लावलाय. नाशकात होणाऱ्या या शिबिराच्या माध्यमातून मरगळलेल्या ठाकरे गटात पुन्हा जोश भऱण्याचा प्रयत्न या शिबिरातून होणार आहे. त्यातच हे शिबिर हायटेक होणार असल्यानं शिवसेना ठाकरे गट शिबिराच्या माध्यमांतून कात टाकणार का? आणि त्यातही एआयच्या माध्यमांतून आक्रमक शैलीत बाळासाहेब भाषणातून कोणाला झोडपणार याकडे लक्ष लागलंय..मात्र याचा राजकीय फायदा किती होणार हे काळचं ठरवेल...