- अमर घटारे

Yashomati Thakur : शिवप्रतिष्ठान हिंदुस्थानचे प्रमुख संभाजी भिडे (shiv pratishthan hindustan chief sambhaji bhide) यांच्या समर्थकास आमदार यशाेमती ठाकूर यांना समाज माध्यमातून धमकी दिल्याप्रकरणी कैलास सूर्यवंशी (kailas suryavanshi) यास पाेलिसांनी ताब्यात घेतले हाेते. चाैकशीअंती सूर्यवंशी याचा जबाब घेत त्याची जामिनावर मुक्तता करण्यात आली आहे. (Maharashtra News)

संभाजी भिडे यांच्यावर काँग्रेस नेत्या व आमदार यशोमती ठाकूर यांनी टीका केल्यानंतर यवतमाळ जिल्ह्यातील पुसद येथील कैलास सूर्यवंशी या युवकाने यशोमती ठाकूर यांना समाज माध्यमातून जीवे मारण्याची धमकी दिली होती. या प्रकरणी अमरावतीच्या गाडगेनगर पोलीस ठाण्यात गुन्हा दाखल करण्यात आला होता.

मंगळवारी सकाळी कैलास सूर्यवंशीला यवतमाळ येथून पोलिसांनी ताब्यात घेतले. त्याची कसून चौकशी केली. कैलास हा संभाजी भिडे यांचा कट्टर समर्थक असल्याने त्याने रागाच्या भरात धमकी दिल्याचे पोलिसांना चौकशी दरम्यान सांगितले.

आता पश्चाताप हाेत आहे...

मला याचा पश्चाताप होत असल्याचे कैैलासने पाेलिसांना सांगितले अशी माहिती पोलिसांनी दिली. दरम्यान चौकशी नंतर त्याला एसीपी कार्यालयातून जामिनावर सोडून देण्यात आले आहे. संशियत कैला सूर्यवंशी हा वकिलीचे शिक्षण घेत असल्याचे पोलिस निरीक्षक गजानन गुल्हाने यांनी साम टीव्हीशी बाेलताना नमूद केले.