राज्यातील २८८ विधानसभा निवडणुकांचे निकाल आता हाती येत आहेत. सुरुवातीचे कल पाहता महायुतीला राज्यात मोठं यश मिळताना पाहायला मिळत आहे. दरम्यान, तिसरी आघाडी उघडलेल्या बच्चू कडू यांना पराभवाचा धक्का बसला आहे. बच्चू कडू हे अचलपूर विधानसभा मतदारसंघातून लढत होते.

बच्चू कडू यांनी संभाजी छत्रपती आणि राजू शेट्टी यांच्याशी मिळून तिसरी आघाडी स्थापन केली आहे. या आघाडीने आपले उमेदवारही दिले आहेत. त्यामुळे या आघाडीचा काय निकाल लागणार याकडे सर्वांचं लक्ष लागलं आहे. बच्चू कडू यांनी १९९९ साली विधानसभेची पहिली निवडणूक अपक्ष म्हणून लढवली. त्यावेळी त्यांचा १३०० मतांनी पराभव झाला होता.

अमरावती जिल्ह्यातील अमरावती विधानसभा मतदारसंघातून राष्ट्रवादीच्या सुलभा खोडके या विजयी झाल्या आहेत. या जागेवर राष्ट्रवादीच्या सुलभा खोडके या आधीच आमदार आहेत. यावेळी काँग्रेसने येथे आघाडी घेतली. अमरावतीतून राष्ट्रवादीने सुलभा खोडके यांना उमेदवारी दिली होती. तर काँग्रेसने डॉ. सुनील देशमुख यांना तिकीट दिले होते. अपक्ष उमेदवार जगदीश गुप्ता हेही रिंगणात होते. (Amravati Assembly Election 2024)

२०१९ च्या विधानसभा निवडणुकीत सुलबा खोडके या अमरावती विधानसभा मतदारसंघातून काँग्रेसच्या तिकीटावर रिंगणात होत्या. त्यांच्यासमोर सुनील देशमुख भाजपाच्या तिकिटावर निवडणूक लढवत होते. सुलभा खोडके यांना एकूण ८२५८२ मते मिळाली होती, तर भाजपाच्या तिकीटावर दुसऱ्यांदा निवडणूक लढवणारे आणि त्याच जागेवरुन दोनदा आमदार राहिलेले सुनील देशमुख यांना ६४३१३ मतांवर समाधान मानावे लागले. सुलभा खोडके यांनी सुनील देशमुख यांचा १८२६९ मतांनी पराभव केला.

महाराष्ट्राचा संपूर्ण निकाल एका क्लिकवर