नाशिकमधील भोंदू अशोक खरात प्रकरणानंतर अमरावतीतील लैंगिक शोषण प्रकरणाने महाराष्ट्र हादरला आहे. आरोपी अयान अहमदनने अनेक मुलींना प्रेमाच्या जाळ्यात ओढून त्यांचे शोषण केले होते. मात्र त्यानं एवढ्या मुलींना प्रेमाच्या जाळ्यात कसं ओढलं याची खळबळजनक माहिती समोर आलीय.

मुलींशी हाय हॅलो नको...त्यांना थेट प्रश्न विचारा असा सल्ला त्याच्या लव्ह गुरूनं दिला होता. मुलींना फसवण्यासाठी त्यानं टिप्सही दिल्या होत्या. त्यानुसार मुलींना रिप्लाय देण्यास भाग पाडतील असेच प्रश्न अयान विचारायचा... 'आप वही हो ना जो वहां मिले थे?' अशा प्रकारचे प्रश्न विचारून तो मुलींना बोलण्यास भाग पाडायचा... त्यांच्याशी चॅटींग करून त्यांना प्रेमात पाडायचा...आणि मग त्यांच्यावर लैंगिक अत्याचार करायचा... अयानचा हा लव्ह गुरू कोण आहे ? पोलिस त्याला कधी ताब्यात घेणार ?

परतवाडामध्ये तरुणींचं लैंगिक शोषण आणि अश्लील व्हिडीओ व्हायरल केल्याप्रकऱणी SITच्या तपासात आरोपीचे अनेक कारनामे उघडकीस आलेत. आरोपी पीडितांना विविध कॅफे आणि गार्डन्समध्ये भेटल्याचं समोर आलंय.

अयानचं कॅफे कनेक्शन

- स्वतंत्र कंम्पार्टमेंट असलेल्या कॅफेमध्ये तरुणींना न्यायचा

- मुलींसोबत कॅफेमध्ये बसण्यासाठी अयान 400 रुपये द्यायचा

- सुरक्षित आणि स्वतंत्र कंम्पार्टमेंट बुक करून तरुणींसोबत अश्लील चाळे

- अमरावती, अचलपूर आणि परतवाड्यातील अनेक कॅफे पोलिसांच्या रडारवर

'द कॅफे रॉयल 10' या वादग्रस्त कॅफेमध्ये आरोपीला बरोबर घेऊन पोलिसांनी चौकशी केली आहे. राष्ट्रीय महिला आयोगानंही या प्रकरणाची गंभीर दखल घेतलीय. व्हिसीद्वारे प्रकरणाचा आढावा घेतला आहे. पीडितांचे फोटो, व्हिडीओ असलेले सोशल मीडियावरील 41 अकाऊंट पोलिसांनी बंद केलेत. SIT ने 10 लोकांना चौकशी साठी ताब्यात घेतलं. दरम्यान पालकमंत्री चंद्रशेखर बावनकुळे यांनी वरीष्ठ पोलिस अधिकाऱ्यांसोबत बैठक घेऊन तपासाचा आढावा घेतला.

आरोपी अयान अहमदच्या या दुष्कृत्यांमध्ये आणखी कोणाचा सहभाग आहे ? हे शोधणं गरजेचं आहे. तसंच अयानचा लव्ह गुरू कोण आणि त्याला पोलीस कधी बेड्या ठोकणार हा खरा प्रश्न आहे.