बीड : आजपर्यंत आपण चार, पाच किंवा सहा पायापर्यंतचे रेडकू, गाय पाहिल्या असतील. मात्र, बीडच्या (Beed) एका शेतकऱ्याच्या म्हशीला चक्क चक्क 8 पायाचं रेडकू जन्मल्याने आश्चर्य व्यक्त केले जात आहे. बीडच्या पाटोदा (Patoda) तालुक्यात असणाऱ्या करंजवन येथील शेतकरी परमेश्वर जानकीराम खाडे यांची म्हैस गाभण होती.

हे देखील पहा :

आज तिला नर जातीचे एक धड आणि 8 पाय असलेलं रेडकू जन्मले आहे. तर यादरम्यान डॉक्टरांपुढे म्हैस (Buffalo) वाचवण्यासाठी मोठा प्रश्न निर्माण झाला होता. मात्र, पशुवैद्यकीय अधिकारी बळीराम राख, डॉ.नरेंद्र जावळे यांच्यासह कर्मचारी व ग्रामस्थांच्या मदतीने म्हशीला वाचविण्यात यश आले, मात्र रेडकू मृत पावलं आहे. दरम्यान, हे 8 पायाचे रेडकू जन्मल्याने परिसरात आश्चर्य व्यक्त केले जात आहे.

Edited By : Krushnarav Sathe