नवनीत तापडीया

छत्रपती संभाजीनगर : शहरातील अंतर्गत रस्‍त्‍यांची दुरावस्‍था झालेली आहे. लोकप्रतिनिधी या खराब झालेल्‍या रस्‍त्‍यांकडे काही केल्‍या लक्ष देत नाही. अशात लहान– मोठे अपघात (Accident) कायम होत असतात. असेच रस्‍त्‍यावरील खड्ड्यांमुळे (Aurangabad News) महिला खाली पडली. आपल्‍या मित्राची आई खड्ड्यांमुळे पडली; यामुळे मुलांनी अनोखे पाऊल उचलले. (Letest Marathi News)

शहराच्‍या अंतर्गत रस्‍त्‍यांचा प्रश्‍न केवळ औरंगाबादच नाही तर राज्‍यातील जवळपास सर्वच शहरात सारखा आहे. रस्‍त्‍यांवरील खड्ड्यांचा प्रश्‍न नागरीकांसाठी नेहमी डोकेदुखी ठरत असतो. या खड्ड्यांमुळे रोज होत असलेल्‍या अपघाताकडे लक्ष दिले जात नाही. स्‍थानिक लोकप्रतिनिधी देखील या समस्‍येकडे दुर्लक्ष करत असतात. अशात काही नागरीक स्‍वतःहून पुढाकार घेत खड्डे बुजवत असतात. असाच प्रत्‍यय औरंगाबादमध्‍ये आला असून यात नागरीक नव्‍हे, तर विद्यार्थी पुढे आले होते.

जेवणाच्या डब्यात माती भरून बुजले खड्डे

छत्रपती संभाजी नगरमध्ये शहरातील अंतर्गत काही रस्त्यांची अवस्था अतिशय दुर्दैवी आहे. अशातच मित्राची आई या खड्ड्यामुळे पडली असता शालेय विद्यार्थ्यांनी स्वतःच्या जेवणाच्या डब्यात माती भरून ते खड्डे बुजायला सुरुवात केली, मित्राच्या आईला इजा झाल्यामुळे शालेय विद्यार्थ्यांनी शाळा सुटल्यावर स्वतः मातीने हे खड्डे तब्बल १ तास वेळ देऊन बुजवले.