नवनीत तापडिया

औरंगाबाद : पाहुणे म्‍हणून सोबलगाव येथे आईसोबत गेलेल्‍या पाच वर्षीय बालकावर काळाने झडप (Death) घातली. विशेष म्‍हणजे पाहुणचाराचा स्‍वयंपाक सुरू असताना ही दुर्दैवी घटना घडली आहे. (Tajya Batmya)

हसनाबाद (Aurangabad) येथील योगीराज नारायण आकोदे हा 5 वर्षीय बालक आईसोबत खुलताबाद तालुक्यातील सोबलगांव येथे प्रदिप जाटवे यांच्याकडे आला होता. सायंकाळी पाहुण्यांसाठी पाहुणचार सुरु असतांना मृत बालक हा वरण बनविलेल्या भांड्याजवळ आला. मात्र उकळत्या भांड्यात तोल जाउन पडल्याने तो गंभीर जखमी झाला होता.

उपचारादरम्‍यान मृत्‍यू

उकळलेल्या वरणाच्या भांड्यात पडल्याने गंभीर जखमी झालेल्या 5 वर्षीय पाहुण्या बालकाला उपचारासाठी घाटी रुग्णालयात (Hospital) दाखल केले होते. परंतु, उपचार सुरु असतांना रुग्णालयात त्‍याचा मृत्यू झाल्याची दुर्दैवी घटना घडली आहे.