- अविनाश कानडजे

औरंगाबाद : बहिण भावाच्या नात्याला काळिमा फासणारी घटना औरंगाबादमध्ये (Aurangabad) समोर आली आहे. भावानेच बहिणीला लग्नाचे आमिष दाखवून अत्याचार (Rape) करून दागिने लुटल्याची तक्रार महिलेने पोलिसांत दिली आहे. महिलेने दिलेल्या फिर्यादीनुसार, फिर्यादी महिला आणि आरोपी हे मावस बहीण भाऊ आहेत. फिर्यादी महिलेचा काही दिवसाच्या अगोदर घटस्फोट झाला होता.

हे देखील पहा :

या खचलेल्या महिलेला आरोपी महिलेचा मावसभाऊ याने तुझ्याशी लग्न करेन, आयुष्यभर तुझ्या मुलीचा सांभाळ करेल, असे सांगून लग्नाचे आमिष दाखवून फिर्यादीच्या आई-वडिलांचा विश्वास संपादन केला. फिर्यादीचे आणि फिर्यादीच्या आईचे दागिने (Jewellary) वेळोवेळी मोडून 5 लाख रुपये घेऊन जुलै 2021 ते डिसेंबर 2021 या काळात त्याच्या भोईवाडा येथील रूमवर तसेच समर्थ नगर येथील एका हॉटेलमध्ये (Hotel) नेवून फिर्यादी सोबत शारीरिक संबंध ठेवले. दरम्यानच्या काळात ऑक्टोंबर 2021 मध्ये फिर्यादीस गर्भधारणा झाली.

त्यावेळेस आरोपीने लग्न होईपर्यंत गर्भधारणा (Pregnant) करू नकोस म्हणून गोळ्या घेऊन गर्भपात केला. त्यानंतर तू जर हे कोणाला सांगितले तर तुझ्या मुलीला जीवे मारेल आणि तुझ्या सोबत लग्न करणार नाही. अशी धमकी देऊन लग्नास टाळाटाळ केली. फिर्यादी महिलेला आपली फसवणूक झाल्याचे कळताच तिने क्रांती चौक पोलिस ठाण्यात तक्रार दाखल केली आहे. आरोपी फरार असून पोलीस त्याचा शोध घेत आहेत.