औरंगाबाद : शिंपले संवर्धन, मोत्यांची शेती करण्याचे आमिष दाखवून औरंगाबादेतील लाडसावंगी परिसरातील (Farmer) शेतकऱ्यांची 25 कोटी रुपयांची फसवणूक (Fraud) केल्याचा प्रकार उघडकीस आला आहे. याप्रकरणी करमाड पोलिस ठाण्यात गुन्हा दाखल करण्यात आला आहे. (Breaking News Marathi)

इंडो पर्ल कंपनीचा मालक अरुण अंभोरे याने शिंपल्याच्या बीज संवर्धनासाठी लाडसावंगी, पिंप्रीराजा, सय्यदपूर, जयपूर, चारठा, सेलूद, हातमाळी, पिंपळखुटा आदी (Aurangabad) गावांतील शेतकऱ्यांसोबत 13 महिन्यांचा करार केला. तेरा महिन्यांनंतर त्याने शेतातून शिंपले मोजून घेतले. मृत शिंपल्यांची रक्कम वगळून प्रति जिवंत शिंपल्याला 180 रुपये देण्याचे मान्य केले.

धनादेश वटलेच नाही

शिंपले नेताना धनादेशावर रक्कम टाकली. शेतकऱ्यांनी धनादेश बँकेत जमा केल्यानंतर ते वटले नाहीत. त्यामुळे शेतकऱ्यांनी कंपनीचे कार्यालय गाठले तेव्हा कुलूप होते. यानंतर शेतकऱ्यांना आपली फसवणूक झाल्याचे लक्षात येताच शेतकऱ्यांनी पोलिस अधीक्षक मनीष कलवानिया यांच्याकडे तक्रार केल्यानंतर गुन्हा दाखल करून आर्थिक गुन्हे शाखेकडे तपास सोपवण्यात आला आहे.