- अविनाश कानडजे (औरंगाबाद)

Harshwardhan Jadhav Viral Video : कन्नडचे माजी आमदार हर्षवर्धन जाधव (Harshwardhan Jadhav) यांची पोलिसांसोबत शाब्दिक बाचाबाची झाल्याचा व्हिडीओ सध्या सोशल मीडियावर प्रचंड व्हायरल होत आहे. काल (दि.१९ फेब्रुवारी) पोलिसांनी शिवजयंतीनिमित्त (Shiv Jayanti) परवानगी नसताना काढण्यात आलेली मिरवणूक अडवल्याने माजी आमदार हर्षवर्धन जाधव चांगलेच आक्रमक झाल्याचे या व्हिडिओतून (Video) पाहायला मिळत आहे. औरंगाबाद (Aurangabad) जिल्ह्यातील कन्नड (Kannad) तालुक्यामध्ये रात्रीच्या सुमारास मिरवणुकीदरम्यान हा वाद झाला. माजी आमदार जाधव यांनी पोलीस महासंचालकाचे पत्र दाखवल्यानंतर मिरवणूक पुन्हा सुरू झाली.