नवनीत तापाडिया, साम टीव्ही

Auranagabad Crime News : औरंगाबाद जिल्ह्यातून एक धक्कादायक घटना समोर आली आहे. चारित्र्यावर संशय घेत पतीने पत्नीच्या डोक्यात फावड्याने वार केले. या घटनेत पत्नीचा जागीच मृत्यू झाला आहे. औरंगाबाद (Aurangabad) जिल्ह्यातील पैठण शहरात आज (मंगळवार) सकाळी ७ वाजेच्या सुमारास ही धक्कादायक घटना घडली. (Latest Marathi News)

घटनेची माहिती मिळताच स्थानिक पोलिसांनी घटनास्थळी धाव घेतली. पत्नीच्या हत्येनंतर पती फरार झाला आहे. ज्ञानेश्वर पुंडलिक पौळ असं आरोपी पतीचं नाव असून पोलीस त्याचा शोध घेत आहेत. भर चौकात पतीने पत्नीची हत्या केल्याने परिसरात मोठी खळबळ उडाली आहे.