सुशील थोरात

Ahmednagar News: अहमदनगरमधून एक धक्कादायक घटना समोर आली आहे. शहरात सावेडी उपनगरातील एकविरा चौकात राष्ट्रवादीच्या पदाधिकाऱ्यावर प्राणघातक हल्ला झाला आहे. या घटनेमुळे एकच खळबळ उडाली आहे. मिळालेल्या माहितीनुसार रात्री साडेदहाच्या सुमारास घटना ही घडली. (Latest Marathi News)

अंकुश चत्तर असे या पदाधिकाऱ्याचे नाव आहे. धारदार शस्त्राने वार केल्याने अंकुश हे गंभीर जखमी झाले. सध्या यांच्यावर खासगी रुग्णालयात (Hospital) उपचार सुरू. तीन जणांनी अंकुश चत्तार यांच्यावर वार केले. दरम्यान घटनेची माहिती मिळताच तोफखाना पोलिसांनी (Police) घटनास्थळी धाव घेतली. मात्र हा हल्ला नेमकी कशामुळे झाली याची माहिती अद्याप समोर आलेली नाही. (Ahmednagar News)

रात्री उशिरापर्यंत गुन्हा दाखल करण्याचे काम सुरू होते. पोलीस घटना स्थळाची पाहणी करत असताना त्या ठिकाणी काही अंतरावर असलेली एक चहाची टपरी अज्ञातांनी पेटवून दिली. या घटनेचा पुढील तपास सुरू असल्याची माहिती तोफखाना पोलिसांकडून देण्यात आली आहे.