नाशिक मध्य मतदारसंघात महायुतीत जागावाटपावरुन वाद होण्याची शक्यता आहे. शिंदे गटाचे जिल्हाप्रमुख अजय बोरस्ते यांनी दावा केलाय. नाशिक मध्य विधानसभा मतदारसंघातून निवडणूक लढण्याची इच्छा त्यांनी व्यक्त केलीय. पक्षाने संधी दिल्यास नाशिक मध्य विधानसभेतून निवडणूक लढवण्यास तयार असल्याचं ते म्हणालेत.

दरम्यान भाजपकडे असलेल्या या जागेवर शिंदे गटाने दावा केल्याने शिंदे गट आणि भाजपमध्ये रस्सीखेच होणार असल्याची चिन्हे आहेत. शिंदेंच्या शिवसेनेने दावा केल्या जागेवर म्हणजेच नाशिक मध्य विधानसभा मतदारसंघात भाजपच्या देवयानी फरांदे यांनी दोनदा आमदारकी भुषवलीय. लोकसभा निवडणुकीत अजय बोरस्ते यांनी माघार घेतली होती. त्यामुळे यावेळी ते आपली दावेदारी भक्कमपणे मांडणार असल्याचं म्हटलं जात आहे.