पुण्यातील वडगावशेरीनंतर आता मुंबईतील जोगेश्वरी पूर्व विधानसभा मतदारसंघाच्या जागेवरून भाजप आणि शिवसेनेत वाद होण्याची शक्यता आहे. जोगेश्वरी पूर्व विधानसभा मतदारसंघावर भाजपच्या माजी नगरसेविका उज्वला मोडक यांनी दावा केलाय. तर शिवसेना शिंदे गटाचे खासदार रवींद्र वायकर यांची पत्नी देखील या जागेवरून निवडणूक लढवण्यास इच्छुक आहेत. त्यामुळे भाजपा आणि शिवसेना शिंदे गटांमध्ये संघर्ष निर्माण होण्याची शक्यता.

जोगेश्वरी पूर्व विधानसभा मतदारसंघात शिवसेना शिंदे गटाचे खासदार रवींद्र वायकर यांची पत्नी देखील निवडणूक लढवण्यासाठी इच्छुक असल्याची चर्चा सुरू आहे. याबाबत खासदार वायकर यांनी प्रतिक्रिया दिलीय. लोकसभेच्या निवडणुकीत भाजपाने माझ्यासाठी खूप चांगलं काम केलेलं आहे.आणि त्यांनी दावा केला आहे, तर त्यांनी नक्कीच दावा केला पाहिजे वरिष्ठ जे ठरवतील त्याला माझी मान्यता असल्याचं वायकर म्हणालेत.