फुले, शाहू, आंबेडकरांच्या महाराष्ट्राची मान आता शरमेनं खाली गेलीय... भोंदूबाबा अशोक खरातच्या अघोरी कृत्याचा पाढा आता विधानसभेतच वाचला गेलाय..व़डेट्टीवारांनी तर खरात प्रकरणात नवा बॉम्ब टाकत खरातची आणि त्याला भेटणाऱ्या सर्वांची HIV टेस्ट करा, अशी मागणी केलीय..

दुसरीकडे खरातचे राजकीय कनेक्शन आणि नेत्यांसोबतचे व्हायरल फोटो यामुळे विधानसभेत चांगलाच वाद पेटलाय... ⁠चाकणकरांचा राजीनामा झाला मात्र खरातसोबत ज्यांचे फोटो आहेत त्यांचे राजीनामे कधी होणार? असा सवाल नाना पटोलेंनी उपस्थित केला.. तर खरात प्रकरणानं पुरोगामी महाराष्ट्राला लाज आणली, अशी संतप्त प्रतिक्रिया भास्कर जाधवांनी दिली...

भोंदूबाबा खरात प्रकरणावरून विधानसभेत प्रतिक्रिया उमटल्या असल्या तरी खरा प्रश्न आहे ज्य़ा महिलांचं शोषण झालं त्यांना न्याय मिळणार का? पुरोगामी महाराष्ट्रात खरातच्या या पापाच्या धंद्यात सहभागी असणाऱ्या बड्या धेंडांना सरकार जेलची हवा दाखवणार का? हे पाहणं महत्त्वाचं ठरेल.