ज्योतिषशास्त्र आणि अध्यात्माच्या नावावर महिलांवर अत्याचार करणाऱ्या भोंदू खरातनं कोट्यवधींची माया जमवत साम्राज्य उभारलं. त्यासाठी शासकीय अधिकारी, राजकीय नेते, अनेक मोठ्या सेलिब्रेटींना हाताशी धरलं... मात्र महिला अत्याचार प्रकरणात खरातच्या मुसक्या आवळल्या... आणि त्याच्या काळ्या कारनाम्यांचं बिंग फुटलं...

दुसरीकडे ठाकरेसेनेचे नेते भास्कर जाधवांनीही या प्रकरणात अनेक उच्चपदस्थ अधिकारी अडकल्याचा दावा केलाय..

राज्यातील बडे अधिकारी नराधम कॅप्टन खरातच्या दरबारात जाण्यामागचं कारण होतं... चॉईस पोस्टिंग, बदल्या आणि बढतीचं गणित.....त्यासाठी खरातला दक्षिणा कशी दिली जात होती? पाहूयात... कामाच्या मोबदल्यात खरातला जमिनीतील गुंतवणुकीच्या स्वरूपात ‘दक्षिणा’ दिली जात असे... अनेक वेळा तर अधिकाऱ्यांच्या नातेवाईकांच्या नावावर खरातने अनेक ठिकाणी जमिनींची खरेदी-विक्री केल्याचा संशय आहे.. नाशिक आणि अहिल्यानगर जिल्ह्यातील मोक्याच्या ठिकाणी प्रामुख्याने पाथर्डी-गवळाणे, सिन्नर परिसर, शिर्डी-ओझर पट्टा या परिसरात गुंतवणूक केली आहे.

या संपूर्ण प्रकरणात एका बड्या शासकीय अधिकाऱ्याकडे संशयाची सुई वळलीय. मुंबईतील एक डेप्युटी कलेक्टर खरातला सातत्याने पडद्यामागून मदत करत असल्याची चर्चा रंगलीय... तसचं खरातची अटक टाळण्यासाठी वकील पुरवण्यापासून ते आर्थिक रसद पुरवण्यापर्यंत हाच अधिकारी हालचाल करत असल्याची माहिती समोर आलीय.. मात्र खरातला गोरगरिब शेतकऱ्यांच्या जमिनी हडप करण्यासाठी, जमीन खरेदीच्या माध्यमातून साम्राज्य उभी करण्यासाठी मदत करणारे आणि खरातच्या अटकेआधी शिर्डीतील हॉटेलमध्ये बैठक घेणारे शासकीय अधिकारी कोण? यामागचं सत्य समोर येण्यासाठी एसआयटीनं आणखी सखोल तपास करायला हवा... आणि खरातचं साम्राज्य उद्ध्वस्त करुन त्याला मदत करणाऱ्या अधिकाऱ्यांचाही बुरखा टराटरा फाडायला हवा....