कॅप्टन खरातच्या काळ्या कारनाम्यांचं बिंग फुटल्यानं रुपाली चाकणकरांना महिला आयोगाच्या अध्यक्षपदाचा राजीनामा द्यावा लागला... मात्र आता एसआयटीनं राजकीय नेत्यांभोवती फास टाकायला सुरुवात केलीय...((माजी शालेय शिक्षणमंत्री दीपक केसरकरांचे निकटवर्तीय दीपक लोंढे आणि नराधम कॅप्टन खरातच्या व्यावसायिक संबंधाचा तपास केला जातोय..याच तपासात दीपक लोंढे नराधम खरातच्या सिन्नर परिसरात जमीन व्यवहारात सक्रीय असल्याचं समोर आलंय..))

एका बाजूला दीपक लोंढेच्या चौकशीमुळे केसरकरांचं टेन्शन वाढलं असतानाच संजय राऊतांनी नवा बॉम्ब फोडलाय... केसरकर शालेय शिक्षणमंत्री असताना कॅप्टन खरातच शिक्षण खातं चालवायचा, असा गौप्यस्फोट राऊतांनी केलाय..

खरंतर कॅप्टन खरातज्योतिषशास्त्राच्या नावानं महिलांना गंडा घालत त्यांच्यावर अत्याचार करायचा... याच काळ्या कारनाम्यांचा भांडाफोड खरातचा ऑफिसबॉय नीरज जाधवने केला... तब्बल 100 पेक्षा जास्त व्हिडीओ समोर आलेत..एवढंच नाही तर याच भोंदूबाबासोबत राजकीय नेत्यांची उठबस सुरु असल्याचही समोर आलंय... आता एसआयटीनं दीपक केसरकरांच्या निकटवर्तीयाची चौकशी सुरु केल्यानं केसरकरांचं टेन्शन वाढलंय..याबाबत केसरकरांनी प्रतिक्रिया दिलीय..

चाकणकरांच्या राजीनाम्यानंतर आता राऊतांनी शिंदेसेनेच्या दीपक केसरकरांच्याही हकालपट्टीची मागणी केलीय... त्यामुळे चाकणकरांनंतर आता केसरकरांचीही विकेट जाणार का? आणि एसआयटी चौकशीत कॅप्टन खरातसोबतचं आणखी कुणाकुणाचं कनेक्शन समोर येणार... याकडेच राज्याचं लक्ष लागलंय..