सांगली : शस्त्र तस्करी करणारी एक टोळी मिरज ग्रामीण पोलिसांनीMiraj Rural Police जेरबंद केली आहे. यामधील तिघांना अटक करत तीन देशी बनावटीचे पिस्तूल आणि सहा जिवंत काडतुसे जप्त करण्यात आली आहेत. सदर टोळी शस्त्र तस्करी करण्यासाठी आली असता मिरज पंढरपूर रोडवरील तानंग फाट्यावरती ही कारवाई करण्यात आली आहे. Arms smuggling gang arrested in Sangli

हे देखील पहा-

मिरज ग्रामीण पोलीसांच्याकडून शस्त्र तस्करी करणारी एक टोळी गजाआड करण्यात आली असून मिरज-पंढरपूर रोड Miraj Pandharpur Road वरील तानंग फाटा या ठिकाणी काही इसम शस्त्र विक्री करण्यासाठी येत असल्याची माहिती पोलिसांना मिळाली होती. त्यानंतर पोलिसांनी या ठिकाणी सापळा रचून चार चाकी वाहनाजवळ थांबलेल्या गौस उर्फ निहाल, सुरेश हत्तेकर, आणि तौफिक शेख या तिघांना ताब्यात घेऊन त्यांची अंगझडती घेतली असता त्यांच्याकडे देशी बनावटीचे पिस्तूल सहा जिवंत काडतुसे आढळून आली.

शस्त्र आढळल्यावरती पोलिसांनी या तिघांनाही अटक करत त्यांच्या ताब्यातील शस्त्र व चारचाकी वाहन असा एकूण 3 लाख 46 हजारांचा मुद्देमाल जप्त केला आहे. पोलिसांनी या तिघांच्याकडे पिस्तूल कुठून आणली आणि ती कोणाला विक्री करण्यात येत होती. याबाबत पोलिसांकडून चौकशी सुरू केली आहे तसेच त्या टोळीबाबत सर्व माहिती तसेच त्यांच्या संपर्कात असणाऱ्या इतर शस्त्र तस्करी आणि विक्री करणाऱ्यांचा शोध घेण्यासाठी आरोपींची कसून चौकशी सुरु करण्यात येत आहे.

Edited By - Jagdish Patil