अहमदनगर : राज्यातील मंदिरे उघडण्यासाठी सरकारला काय अडचण आहे ? दारूची दुकाने, हॉटेल सर्व उघडी केली आहेत. तेथे होत असलेल्या गर्दीतून करोना वाढत नाहीये का ? जिथून मिळणाऱ्या सात्विक विचारातून माणसे घडतात अशा मंदिरांना बंद करून सरकारने काय मिळवले ? असा सवाल करताना जेष्ठ समाजसेवक अण्णा हजारे संतापले.

हे देखील पहा -

मंदिरे उघडण्यासाठी जनतेने आता रस्त्यावर उतरले पाहिजे. मंदिर बचाव कृती समितेने यासाठी मोठे आंदोलन उभारावे. यात मी स्वतः सहभागी होईल. सरकारचे धोरण बरोबर नसून १० दिवसात जर मंदिर उघडण्याचा निर्णय सरकारने घेतला नाही, तर मोठे आंदोलन करा मी तुमच्या बरोबर राहील, असा इशाराही अण्णा हजारे यांनी दिला.

नगरच्या मंदिर बचाव कृती समितीने जेष्ठ समाजसेवक अण्णा हजारे यांची राळेगणसिद्धी येथे भेट घेऊन राज्यातील बंद असलेली सर्व मंदिरे उघडण्यासाठी सरकार कडे पाठपुरावा करावा असे साकडे घातले. मंदिर बचाव कृती समितीचे प्रमुख वसंत लोढा यांच्या सह कार्यकर्त्यांनी अण्णा हजारे यांना निवेदन दिले.

Edited By : Krushnarav Sathe