- सचिन बनसाेडे

Diwali 2022 : राज्यात लम्पी (lumpy skin disease) आजाराचा प्रादुर्भाव अचानक वाढला आहे. जनावरांना दुसरा ढोस देण्याबाबत विचार सुरू आहे. येत्या २४ तारखेला औरंगाबाद जिल्ह्यात आणि त्यानंतर बुलढाणा दौरा करणार असल्याचे स्पष्ट करीत राज्यातील दुग्ध आणि पशुसंवर्धन विभागातील सर्व अधिका-यांच्या सुट्या रद्द करण्यात आल्याची माहिती राज्याचे दुग्ध आणि पशुसंवर्धन मंत्री राधाकृष्ण विखे पाटील (radhakrishna vikhe patil) यांनी दिेली. दिवाळीपेक्षा बळीराजाला मदत करण्यास आमची प्राथमिकता असल्याचे विखे पाटील यांनी नमूद केले. (Breaking Marathi News)

मंत्री विखे पाटील म्हणाले जनावरांचे आठवडे बाजार, जनावरांची वाहतूक यावर निर्बंध आणले आहेत. राज्यात १०० टक्के लसीकरण झाले आहे. लम्पी आटोक्यात येत असतानाच अचानक प्रादुर्भाव वाढला आहे. जेथे तांडे आहेत तेथे‌ सुविधा नाहीत. बाहेर जनावरे चरण्यासाठी जात असल्याने प्रादुर्भाव वाढण्याची शक्यता आहे. शेतकरी (farmers) संकटात असल्याने ही दिवाळी शेतक-यांसोबत करण्याच ठरवल्याचे विखे पाटील यांनी नमूद केले.

दरम्यान दिवाळीपेक्षा बळीराजाला मदत करण्यास आमची प्राथमिकता आहे. त्यामुळे राज्यातील दुग्ध आणि पशुसंवर्धन विभागाच्या सर्व अधिका-यांच्या सुट्टी रद्द करून नेमणुकीच्या ठिकाणी राहण्याच्या सुचना देण्यात आल्यात आहेत असेही विखे पाटील यांनी नमूद केले. (Maharashtra News)

Edited By : Siddharth Latkar