नाशिक: सीबीआयकडून (CBI) नाशिक, नगरसह (Nashik-Nagar) राज्यातल्या अन्य काही शहरांमध्ये छापेमारी करण्यात आल्याची माहिती समोर येते आहे. या छाप्यांसदर्भात अधिक माहिती समोर आलेली नसली तरी माजी पोलिस आयुक्त परमबीर सिंग यांच्याशी संबंधित ही छापेमारी असल्याची प्राथमिक माहिती मिळत आहे.

माजी गृहमंत्री अनिल देशमुख यांनी १०० कोटी रुपये वसुलीचे टार्गेट दिल्याप्रकरणी चौकशी सध्या सुरु आहे. त्याअंतर्गत अधिक तपासासाठी हे छापे टाकण्यात आल्याचं बोललं जातं आहे.

या प्रकरणी वरीष्ठ पोलीस अधिकाऱ्यांच्या पुणे, सांगली, संगमनेरमधील निवासस्थानी आणि अन्य मालमत्तांवर छापे टाकण्यात आलेत, तर या प्रकरणाशी संबंधित अन्य काही जणांच्या मालमत्तांवरही धाडी टाकण्यात आल्याचं सांगितलं जातं आहे. या छाप्यातून जी माहिती समोर येईल त्याआधारे अनिल देशमुख यांच्या अडचणीत वाढ होण्याची शक्यता वर्तवली जात आहे.