सूरज सावंत

umesh kolhe death case : अमरावतीमधील (Amravati) उमेश कोल्हे प्रकरणातील महत्वाची माहिती हाती आली आहे. उमेश कोल्हे हत्या प्रकरणातील फरार आरोपी शहिम अहमद याला सत्र न्यायालयातून 'एनआयए' अटक केली आहे. शहिमवर 'एनआयए'ने (NIA) दोन लाखांचे बक्षीस जाहीर केले होते. शहिमला अटक केल्यानंतर उद्या न्यायालयात हजर करण्यात येणार आहे.

उमेश कोल्हे अमरावतीमध्ये २१ जून रोजी हत्या करण्यात आली होती. या प्रकरणात काही आरोपींना अटक करण्यात आली होती. उमेश कोल्हे यांनी नुपूर शर्मा यांच्या समर्थनार्थ सोशल मीडियावर पोस्ट शेअर केल्यानंतर त्यांची हत्या करण्यात आली होती.

या प्रकरणी पोलिसांनी या हत्या प्रकरणातील मुख्य आरोपी इरफान शेखला अटक केली होती. तर शहिम अहमद हा आरोपी अनेक दिवसांपासून फरार होता. त्याचा 'एनआयए'कडून तपास सुरू होता. फरार शहिम अहमदबाबत माहिती देण्याऱ्याला 'एनआयए'ने बक्षीस जाहीर केले होते. या फरार आरोपीला 'एनआयए' केले आहे. शहिमला सत्र न्यायालयातून 'एनआयए' अटक केली आहे. शहिमला अटक केल्यानंतर उद्या न्यायालयात हजर करण्यात येणार आहे.

शहिमला अटक केल्यानंतर त्याचे वकील अली काशफ यांनी प्रसारमाध्यमांशी संवाद साधला. अली काशफ म्हणाले, 'उमेश कोल्हे हत्या प्रकरणातील आरोपी शहिमने 'एनआयए'कडे आज स्वत:ला आत्मसमर्पन केले. न्यायालयातही त्याला हजर केले होते. त्याच्यावर २ लाखांचे बक्षीस 'एनआयए'ने ठेवले होते.

'आज सत्र न्यायालयाच्या परिसरातून 'एनआयए'ने त्याला अटक केली. उद्या न्यायालयात हजर केले जाईल. तो आत्मसमर्पन करण्यासाठी आला असता त्याला 'एनआयए'ने त्याला नेले. हे आम्ही न्यायालयाच्या लक्षात आणून देऊ', असेही ते म्हणाले.