अमर घटारे

अमरावती ः राज्‍यात झालेल्‍या वर्षभरातील घडामोडीत शिवसेनेच्‍या आमदारांनी बंड केले होते. यानंतर राष्‍ट्रवादी कॉंग्रेसच्‍या आमदारांनी बंड करत (BJP) भाजप व शिवसेना सरकारसोबत गेले आहेत. या विरोधात अमरावती (Amravati) शहरात गद्दारांना श्रद्धांजली असे फलक लावले आहेत. हे फलक लागल्‍याने शहरात चर्चेला उधाण आले आहे. (Breaking Marathi News)

राज्याच्या राजकारणात शिंदे गटाने बंड केले होते. वर्षभरानंतर आता त्या पाठोपाठ राष्ट्रवादी काँग्रेसमध्ये देखील अजित पवार यांनी मोठे बंड केले. गतवर्षी शिंदे गटाने बंड करत भाजपसोबत सत्‍ता स्‍थापन केली. तर आता राष्‍ट्रवादीचे अजित पवार यांच्‍यासह आमदारांनी बंड करत राज्‍य सरकारसोबत गेले आहेत. यामुळे राज्‍यातील राजकारणात उलथापालथ पहावयास मिळत आहे.

अमरावती शहरातील गाडगेनगर परिसरात शिवसेना उध्दव ठाकरे गटाचे फलक आहेत. या फलकावर राजकारणातील चालू घडामोडी विषयी भाष्य केले आहे. या फलकावर सध्या सर्व गद्दारांना श्रद्धांजली, शोकाकुल समस्त मतदार अशा आशयाचे फलक लागलेले आहे आणि हे फलक सध्या अमरावती शहरात चर्चेचा विषय ठरलेले आहे.