अमर घटारे, प्रतिनिधी

Amravati News:

अमरावतीचे खासदार नवनीत राणा व आमदार रवी राणा हे अमरावतीत आज पदयात्रा काढणार आहेत. विदर्भाचे कुलदैवत असलेल्या अमरावतीच्या अंबादेवीच्या दर्शनासाठी राणा दांपत्याने पदयात्रा सुरू केली आहे. गंगा -सावित्री निवासस्थानापासून 4 किलोमीटर अंबादेवीमंदिरापर्यंत पदयात्रा काढणार असून राणा दांम्पत्य महाआरतीही करणार आहे.

पुन्हा नरेंद्र मोदी पंतप्रधान होण्यासाठी साकडं घालणार...

अमरावतीमध्ये (Amravati) राणा दांपत्याची अनवानी पायाने पदयात्रेला सुरूवात झाली आहे. खासदार नवनीत राणा (Navneet Rana) आणि आमदार रवी राणांसह मोठ्या संख्येने कार्यकर्ते या पदयात्रेत सहभागी झाले आहेत. 4 किलोमीटर अंबादेवी मंदिरापर्यंत पदयात्रा काढल्यानंतर राणा दांम्पत्य महाआरतीही करणार आहे. यावेळी नरेंद्र मोदी पुन्हा पंतप्रधान होण्यासाठी साकडं घालणार असल्याची प्रतिक्रिया नवनीत राणा यांनी दिली आहे.

"2024 मध्ये पुन्हा देशात नरेंद्र मोदी (Narendra Modi) यांचे सरकार यावे. पुन्हा नरेंद्र मोदी पंतप्रधान बनावेत व शरद पवार यांनी देशाच्या विकासासाठी व महाराष्ट्राच्या विकासासाठी नरेंद्र मोदी यांच्यासोबत आले पाहिजे त्यासाठी मी अंबादेवीला साकड घालणार असल्याल्याचे राणा दांपत्यांनी सांगितले.

  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

दिवाळीनंतर शरद पवारही पंतप्रधान मोदींसोबत?

दरम्यान, यावेळी बोलताना आमदार रवी राणा यांनी दिवाळीनंतर शरद पवारही (Sharad Pawar) पंतप्रधान मोदींसोबत असतील, असा मोठा दावा केला आहे. "सध्या तळ्यात मळ्यात असणारे शरद पवार हे दिवाळीनंतर मोदीजींसोबत जातील. सोबतच अनेक राजकीय पक्ष दिवाळीनंतर हे भाजपसोबत (BJP) जातील असा गौप्यस्फोट आ. रवी राणा यांनी केला आहे. (Latest Marathi News)