अमर घटारे 
अमरावती : महापारेषण अंतर्गत विविध संवर्गातील एकूण २ हजार ५४१ पदांच्या भरतीसाठी २०२३ मध्ये जाहिरात काढण्यात आली होती. हि भरती प्रक्रिया अंतिम टप्प्यात असताना महापारेषणने भरती रद्द केली आहे. यामुळे विद्यार्थ्यांनी आज जिल्हाधिकारी कार्यलयासमोर आंदोलन करण्यास सुरवात केली आहे. 

महापारेषणकडून रिक्त असलेल्या जागांवर भरती प्रक्रिया राबविण्यासाठीची जाहिरात प्रसिद्ध केली होती. या जाहिरातीनुसार आयटीआय व इंजिनीअर झालेल्या विद्यार्थ्यांनी १० डिसेंबर २०२३ पर्यंत इनलाईन अर्ज सादर केले होते. या पदांची परीक्षा २०२४ मध्ये घेण्यात येईल असं सांगण्यात आलं होत. त्यामुळे अनेक विद्यार्थी खाजगी नोकऱ्या सोडून विद्यार्थी (Student) परीक्षेच्या तयारीला लागले होते. मात्र अचानक महापारेषणच्या सर्व पदभरती प्रक्रिया रद्द करण्यात आली आहे. 

महापारेषणने अचानक भरती प्रक्रिया रद्द करण्याच्या निर्णयाविरोधात विद्यार्थी संतप्त झाले आहेत. आज (Amravati) अमरावती जिल्ह्यातील विद्यार्थ्यांनी एकत्र येत जिल्हाधिकारी सौरभ कटीयार यांना निवेदन दिले. यावेळी तातडीने हीच भरती राबविण्यात यावी अशी मागणी विद्यार्थीनी केली.