>> अमर घटारे

Khanampur Pandhari Controversy:

अमरावतीत डॉ. बाबासाहेब आंबेडकर प्रवेशद्वाराचा मुद्दा तापला. अंजनगाव सुर्जी तालुक्यातील पांढरी खानमपूर येथे डॉ. बाबासाहेब आंबेडकर यांच्या नावाचे प्रवेशद्वार लावण्यावरून दोन गट आमनेसामने आले.

याच मुद्द्यावर आज मोठ्या प्रमाणात लोकांनी एकत्र येत आंदोलन केलं. यावेळी आंदोलकांकडून पोलिसांवर दगडफेक करण्यात आली, अशी माहिती मिळत आहे. त्यानंतर आंदोलकांना पांगवण्यासाठी पोलिसांनी लाठीमार केल्याचे सांगण्यात येते. गेल्या पाच दिवसांपासून खानापूर गावच्या प्रवेशद्वाराचा वाद सुरू आहे. यावरून स्थानिकांनी आंदोलनही केले होते. यानंतर पोलिसांनी संचारबंदी लागू केली होती. मात्र संचारबंदी झुगारून मोठ्या संख्येने आंदोलक अमरावतीत पोहोचले.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालाय माहितीनुसार, दोन दिवसांपूर्वी याच मुद्यावर येथील पालकमंत्री चंद्रकांत पाटील आले होते. त्यांनी बैठक घेऊन यावर तोडगा काढला होता. तसेच याप्रकरणी चौकशी करण्याचे आदेश त्यांनी दिले होते. (Latest Marathi News)

या आंदोलनाच्या पार्श्वभूमीवर राज्यराखीव पोलीस दलाच्या तुकड्या याठिकाणी तैनाद करण्यात आल्या होत्या. तसेच आज याच मुद्द्यावर अमरावती विभागीय आयुक्त कार्यालयात वरिष्ठ अधिकाऱ्यांची बैठक सुरू असताना हे आंदोलन अधिक तापलं. यानंतर विभागिय आयुक्त कार्यालयाबाहेर पोलीस छावणीचे स्वरूप आले होते.

दरम्यान, आंदोलकांना पांगवण्यासाठी पोलिसांनी लाठीमार केला. यातर आता परिस्थितीत नियंत्रणात असल्याचे सांगण्यात येत आहे. कुठलाही अनुचित प्रकार घडू नये, म्हणून पोलिसांकडून खरबदारी घेतली आहे.